Knowledge & Attitudes Survey Regarding Pain (K&A-SRP)

Efnisorð

• Þekking
• Viðhorf
• Verkjameðferð
• Hjúkrun

Stutt lýsing

• Tegund: Sjálfsmat – hjúkrunarfræðingar
• Fjöldi atriða: Upprunaleg útgáfa (sú sem vísað er til í grein Elfu og félaga að neðan¹ inniheldur 13 fjölvalsspurningar og samtals 39 atriði en útgáfan sem fylgir með að neðan inniheldur 14 fjölvalsspurningar og samtals 40 atriði
• Metur: Þekkingu á og viðhorf til verkjameðferðar
• Svarkostir: Blandaðir – satt, ósatt og veit ekki, annars blandaðir svarkostir í fjölvalsspurningum og einnig talnakvarði frá 0 (enginn verkur / óþægindi) til 10 (versti hugsanlegi verkur / óþægindi) í tilfelladæmum
• Heildarskor: Heildarskor eru á bilinu 0–39 / 40 þar sem hærra skor vitnar um meiri þekkingu á verkjameðferð / jákvæðara viðhorf til verkjameðferðar

Íslensk þýðing

• Elfa Þöll Grétarsdóttir og félagar þýddu með leyfi höfunda – sjá um þýðingarferlið í grein Elfu

Próffræðilegir eiginleikar

Áreiðanleiki: Í úrtaki nema í hjúkrunarfræði og hjúkrunarfræðinga við LHS reyndist innri áreiðanleiki upprunalegrar útgáfu α = 0,75 (athuga þó að listinn metur tvö hugtök, og athuga einnig að þar sem sum atriði eru tvíkosta er alfa stuðullinn strangt til tekið ekki merkingarbær).¹ Í úrtaki hjúkrunafræðinga við SAK (n = 62) var alfastuðull 40 atriða útgáfu lægri, eða 0,65² (sama athugasemd).

Réttmæti: Heildarskor á upprunalegri útgáfu hafa reynst hækka með aukinni menntun og sérhæfingu.¹ Þeir sem svöruðu rétt spurningu með sterkust tengsl við heildarskor (metið með línulegri aðhvarfsgreiningu) skoruðu að jafnaði um 10 stigum hærra á heildarlistanum en þeir sem svöruðu henni rangt. Svarferlagreining (IRT) á lítillega breyttri 40 atriða útgáfu listans³ (svarkostinum veit ekki bætt við öll atriði, sjá nánar í grein Elfu og félaga) í úrtaki hjúkrunarfræðinga leiddi í ljós að einna mestur munur var á svörum hjúkrunarfræðinga með mis mikla þekkingu á verkjameðferð í klínískum dæmum – þau höfðu m.ö.o. mest aðgreiningargildi. Sem dæmi höfðu þeir sem svöruðu mest aðgreinandi dæminu rétt að jafnaði um 5 stigum hærra heildarskor en þeir sem svöruðu því rangt, og þeir sem svöruðu öllum klínískum dæmum rétt að jafnaði 10 stigum hærra skor en þeir sem svöruðu þeim rangt. Listinn í heild reyndist aðgreina best þá sem höfðu þekkingu á verkjameðferð í og undir meðallagi, en síður þá sem höfðu meðal góða og mjög góða þekkingu.

Heimildir

Upprunaleg heimild:

• Ferrell, B.R., & Mccaffery, M. (2008). Knowledge and Attitudes Survey Regarding Pain, Revised. Copyright: Betty Ferrell and Margo McCaffery

Próffræðigreinar:

• 1. Elfa Þöll Grétarsdóttir, Sigríður Zoëga, Gunnar Tómasson & Sigríður Gunnarsdóttir. (2011). Forprófun á mælitæki til að meta þekkingu og viðhorf hjúkrunarfræðinga til verkja og verkjameðferðar. Tímarit hjúkrunarfræðinga, 87(4), 41-45. 
  https://www.hjukrun.is/timaritid/greinasafn/grein/2011/09/30/Forpr%C3%B3fun/

Dæmi um birtar greinar:

• 3. Gretarsdottir, E., Zoëga, S., Tomasson, G., Sveinsdottir, H., & Gunnarsdottir, S. (2017). Determinants of Knowledge and Attitudes Regarding Pain among Nurses in a University Hospital: A Cross-sectional Study. Pain management nursing : official journal of the American Society of Pain Management Nurses, 18(3), 144–152. https://doi.org/10.1016/j.pmn.2017.02.200

Nemendaverkefni:

• 2. Aníta Magnúsdóttir, Ingibjörg Ösp Jónasardóttir & Sigríður Elín Þórðardóttir. (2011). Þekking og viðhorf tengd verkjum og verkjameðferð : megindleg rannsókn meðal hjúkrunarfræðinga á Sjúkrahúsinu á Akureyri [óútgefin BS ritgerð]. Skemman. http://hdl.handle.net/1946/8822

Reglur um notkun

• Í opnum aðgangi – sjá matstækið hér
• Höfundar biðja þess að vitnað sé í viðeigandi heimild þegar listinn er notaður
• Engar upplýsingar fundust varðandi hæfni- / menntunarkröfur fyrir notkun

Aðrar útgáfur

• Ekkert fannst

Síðast uppfært

• 4/2024