Knee Outcome Survey Activities of Daily Living Scale (KOS-ADLS)

Efnisorð

  • Einkenni í hné og færniskerðing

Stutt lýsing

  • Tegund: Sjálfsmat – ungmenni og fullorðnir með sjúkdóm í eða áverka á hné
  • Fjöldi atriða: 14
  • Metur: Einkenni í hné og færniskerðing – 6 atriði meta einkennaþátt og 8 meta færniþátt
  • Svarkostir: Frá 0 (verst) til 5 (best)
  • Heildarskor: Heildarskor eru á bilinu 0–70, oftast sett fram sem hlutfall á á bilinu 0–1 með því að deila heildarskori með því hæsta mögulega, þ.e. 70. Hærra skor (hlutfall) gefur til kynna minni einkenni og aukna færni. Sjá nánar hér

Íslensk þýðing

  • Kristín Briem
  • Engar nánari upplýsingar fundust um þýðingarferli / hvernig staðið var að þýðingu

 

Próffræðilegir eiginleikar

Áreiðanleiki: Í hópi einstaklinga með einkenni sem ekki höfðu leitað sér meðferðar reyndist endurprófunaráreiðanleiki undirkvarða og heildarskors á bilinu r = 0,91–0,95.1 Innri áreiðanleiki kvarðanna var á bilinu α = 0,84–0,94.

Réttmæti: Í hópi einstaklinga í meðferð við hnjákvillum reyndist fylgni milli hækkandi skora á undirþáttum KOS-ADLS, lækkandi skora á verkjaupplifun, hækkaðs skors á mati á eigin færni og bætingar á TUG-færniprófi.1 Allsterk jákvæð fylgni mældist á milli einkennaþáttar kvarðans og verkjaskors á VAS en sterk neikvæð fylgni milli heildarskors og verkja samkvæmt VAS (hærra skor á KOS – lægra skor á VAS og öfugt). Önnur fylgni við viðmiðsmælingar var í þá átt sem búist var við, sjá nánar í grein Kristínar (heimild að neðan).

 

Heimildir

Upprunaleg heimild:

  • Irrgang, J. J., Snyder-Mackler, L., Wainner, R. S., Fu, F. H., & Harner, C. D. (1998). Development of a patient-reported measure of function of the knee. Journal of Bone & Joint Surgery, 80(8),1132–1145. https://www.prismsports.org/UserFiles/file/KOS-ADL-PDFandScoring.pdf

Próffræðigreinar:

  • 1. Kristín Briem. (2014). Réttmæti og áreiðanleiki íslenskrar þýðingar KOS-ADLS - mat á einkennum og færni í hné. Sjúkraþjálfarinn, 41(2),5–10. https://www.sjukrathjalfun.is/media/sjukrathjalfarinn-pdf/Sjukrathjalfarinn-2014-2.pdf

Dæmi um birtar greinar:

  • Hálfdánardóttir, F., Ingvarsson, Þ., & Briem, K. (2015). Proximal effects of unloader bracing for medial knee osteoarthritis. Osteoarthritis and Cartilage, 23(2), A366–A367. https://doi.org/10.1016/j.joca.2015.02.676

Nemendaverkefni:

  • Arna Mekkín Ragnarsdóttir & Sigurvin Ingi Árnason. (2013). Vöðvavirkni aftanlærisvöðva hjá íþróttakonum eftir fremra krossbandsslit. Vöðvarafritsmæling rannsóknar- og samanburðarhóps við framkvæmd triple crossover hop for distance stökkprófs [óútgefin BS ritgerð]. Skemman. http://hdl.handle.net/1946/15168

 

Reglur um notkun

  • Ekki ljóst með höfundarrétt en í opnum aðgangi – frekari upplýsingar um aðgang veitir Félag sjúkraþjálfara sem hefur listann undir höndum, sjukrathjalfun@bhm.is
  • Notkun krefst ekki sérstakrar hæfni / menntunar

Aðrar útgáfur

  • Ekkert fannst

Síðast uppfært

  • 8/2024
Til baka í Matstækjaskrá