Coronary Artery Disease Education Questionnaire - Short version (Þekking-KRANS) (CADE-Q-SV)

Efnisorð

  • Þekking
  • Kransæðasjúkdómar
  • Endurhæfing
  • Lífsstíll

Stutt lýsing

  • Tegund: Sjálfsmat – fullorðnir kransæðasjúklingar í enduhæfingu
  • Fjöldi atriða: 20
  • Metur: Þekkingu fólks með kransæðasjúkdóma í endurhæfingu á sjúkdómi sínum og heilbrigðum lífsstíl. Skiptist í fimm svið: Sjúkdómstengda þekkingu, Áhættuþætti, Hreyfingu, Næringu og Sálfélagslega áhættu
  • Svarkostir: Rétt svör = 1, röng svör = 0 og veit ekki = 0
  • Heildarskor: Heildarskor eru á bilinu 0 til 20 þar sem hærra skor vitnar um betri þekkingu

Íslensk þýðing

  • Margrét Hrönn Svavarsdóttir & Brynja Ingadóttir (2017)
  • Mælitækið var þýtt og staðfært úr ensku á íslensku í samráði við höfunda. Gæði þýðingar voru metin með ítarviðtölum (e. cognitive interviewing) í smáu úrtaki heilbrigðisstarfsfólks og sjúklinga. Orðfæri var að því búnu aðlagað að íslensku samhengi og áherslum í fræðslu íslenskra hjartasjúklinga. Auk þessa var innihald atriða metið af 12 sérfræðingum í hjartaendurhæfingu. Sjá nánari lýsingu á þýðingarferli í nemendaverkefni Hennýjar, Katrínar og Kristbjargar að neðan2

 

Próffræðilegir eiginleikar

Áreiðanleiki: Innri áreiðanleiki í blönduðu úrtaki kransæðasjúklinga hefur mælst α = 0,74 (athuga þó að fægð svarkosta getur hafa haft áhrif á þá niðurstöðu).1 

Réttmæti: Aðhvarfsgreining í blönduðu úrtaki kransæðasjúklinga benti til þess að aldur, menntun, reykingar, sjálfstiltrú og fyrri innlagnir á sjúkrahús vegna kransæðasjúkdóma hefðu forspárgildi fyrir þekkingu á sjúkdómi og líffstíl, en skýringarhlutfall var þó lágt (tæplega 16%).1

 

Heimildir

Upprunaleg heimild:

  • Ghisi, G. L. M., Sandison, N. og Oh, P. (2016). Development, pilot testing and psychometric validation of a short version of the coronary artery disease education questionnaire: The CADE-Q SV. Patient Education and Counseling,
    99    (3), 443-447. https://doi:10.1016/j.pec.2015.11.002

Próffræðigreinar:

  • 1. Ketilsdóttir, A., Halldórsdóttir, H., Sigurlásdóttir, K., Ingadóttir, B., & Svavarsdóttir, M. H. (2021). Fræðsluþarfir og sjúkdómstengd þekking einstaklinga með kransæðasjúkdóm: Þversniðsrannsókn við útskrift af sjúkrahúsi. Tímarit hjúkrunarfræðinga, 97(2), 64-73. https://www.hirsla.lsh.is/handle/2336/621840

Dæmi um birtar greinar:

  • Svavarsdóttir, M. H., Halapi, E., Ketilsdóttir, A., Ólafsdóttir, I. V., & Ingadottir, B. (2023). Changes in disease-related knowledge and educational needs of patients with coronary heart disease over a six-month period between hospital discharge and follow-up. Patient education and counseling, 117, 107972. https://doi.org/10.1016/j.pec.2023.107972

Nemendaverkefni:

  • 2. Henný Hrund Jóhannsdóttir, Katrín Ásbjörnsdóttir & Kristbjörg Eva Heiðarsdóttir. (2017). "Hugur einn það veit er býr hjarta nær" : þýðing og staðfæring matstækisins Sp-KRANS á þekkingu einstaklinga með kransæðasjúkdóm [óútgefin BS ritgerð]. Skemman. http://hdl.handle.net/1946/27956

 

Reglur um notkun

  • Ekki ljóst með höfundarrétt, en í opnum aðgangi – íslenska þýðingu má nálgast hér
  • Höfundur biður rannsakendur um að láta vita af fyrirhugaðri notkun, sjá hér
  • Ekki er vitað til þess að fyrirlögn krefjist sérstakrar þjálfunar

Aðrar útgáfur

  • Coronary Artery Disease Education Questionnaire (CADE)

Síðast uppfært

  • 1/2024